चित्लाङमा सम्पन्न जिल्ला स्तरीय कराँते प्रतियोगिताको उपाधी स्वच्छन्द भैरव डोजो लाई

थाहा नगर खेलकुद विकास समितिको आयोजना तथा चित्लाङको स्वच्छन्द भैरव डोजोको व्यवस्थापनमा भएको दोस्रो जिल्ला स्तरीय खुला कराते प्रतियोगिता २०८१ सम्पन्न भएको छ ।
 प्रतियोगितामा ८ स्वर्ण सहित थाहाको चित्लाङमा रहेको स्वच्छन्द भैरव कराते डोजो टिम प्रथम हुँदै ट्रफी हातपार्न सफल भएको छ।चित्लाङले ८ स्वर्ण सहित ५ रजत तथा १२ कास्य पदक हात पारेको थियो तेसैगरी ७ स्वर्ण पदक जित्दै हात्तिसुढे कराते डोजो  टिम दोस्रो हुन सफल भयो दोस्रो भएको हात्तीसुढेले २ रजत र १ कास्य हात पार्यो भने २ स्वर्ण ७ रजत पदक र ७ कास्य  जित्दै थाहा कराते डोजो  टिम तेस्रो भएको थियो ।
प्रतियोगितामा पुरुष तर्फ स्वच्छन्द भैरव डोजोका शलिम गमाल उत्कृष्ट खेलाडी घोषणा हुँदा हात्तीसुढे डोजोकी सुजाता ब्लोन महिलातर्फ उत्कृष्ट खेलाडी हुन सफल रहे।
थाहा नगरपालिका खेलकुद विकास समिति संयोजक टिकाराम स्याङ्तानको अध्यक्षतामा सम्पन्न प्रतियोगिता समापन समारोहमा थाहा नगर प्रमुख बिष्णु बिष्टले थाहा नगरपालिकाले खेलकुद क्षेत्रको विकासको लागि सहयोग गर्दै आएको बताउनुभयो । उहाँले नगरमा आयोजना हुने सबै खेललाई समान महत्व दिएको धारणा व्यक्त गर्नुभयो । खेलाडी राष्ट्रका गहना भएकाले अनुशासित भएर खेल्नु पर्नेमा सुझाव दिनुभयो।
प्रतियोगितामा जिल्लाका ९ वटा डोजोको सहभागिता रहेको प्रतियोगिताका संयोजक रोशन बलामीले जानकारी दिए।

कार्यक्रममा थाहा ९ का अध्यक्ष राजकुमार बलामी, समाजसेवी तथा नेपाली काङ्ग्रेस महाधिवेशन प्रतिनिधि जयराम लामिछाने,प्रशिक्षणक तथा रेफ्री हरुको उपस्थिति रहेको थियो।